Ash-Shams الشمس
15 verses · makkah
Për Diellin dhe shkëlqimin e tij
dhe për Hënën që e përcjell atë!
Për ditën që ia zbulon shkëlqimin atij (diellit)
dhe për natën kur e mbulon atë!
Për qiellin dhe për Atë që e ka ndërtuar!
Për Tokën dhe për Atë që e ka shtruar!
Për shpirtin dhe për Atë që e ka përsosur,
duke ia bërë të njohur atij të keqen e të mirën!
Vërtet, kushdo që e pastron shpirtin, do të shpëtojë,
ndërsa kushdo që e shtyp atë (me punë të këqija), do të dështojë.
Fisi i Themudit, nga shfrenimi i vet - përgënjeshtroi;
kur u ngrit më i keqi i tij (për të therur devenë).
I dërguari i Allahut (Salihu), u tha atyre: “Kjo është deveja e Allahut! Lëreni atë të pijë pjesën e vet!”
Por ata nuk i besuan atij dhe e therën atë. Prandaj Zoti i tyre i shkatërroi të gjithë për gjynahet e tyre, nga i pari tek i fundit,
pa pasur frikë prej pasojave të kësaj.
Albanian: Hasan Efendi Nahi · Quranic Universal Library (qul.tarteel.ai), Albanian: Hasan Efendi Nahi