Al-Balad البلد
20 verses · makkah
Betohem për këtë vend,
në të cilin ti je i lirë (o Muhamed),
dhe për atë që lind e për atë që është i lindur,
se, në të vërtetë, Ne e kemi krijuar njeriun për të luftuar në vështirësi!
A mendon ai se askush nuk ka pushtet mbi atë?
Ai thotë: “Kam shpenzuar pasuri të pamasë!”
Vallë, a mendon ai se nuk e ka parë askush?
A nuk i kemi dhënë Ne atij dy sy,
edhe gjuhë, edhe dy buzë,
dhe ia kemi bërë të qarta të dyja rrugët?
Atëherë, le të ndjekë rrugën e vështirë!
E kush mund të ta shpjegojë ty se ç’është rruga e vështirë?
Ajo është të lirosh një skllav
ose të ushqesh në një ditë zie
jetimin e afërm
ose të varfrin e mjerë.
Veç kësaj, (njeriu duhet) të jetë nga ata që besojnë, që e këshillojnë njëri-tjetrin për durim dhe e këshillojnë për mëshirë.
Këta janë njerëzit e krahut të djathtë.
Ndërsa ata që i mohojnë shpalljet Tona, ata janë njerëzit e krahut të majtë.
Mbi ata do të jetë zjarri i mbyllur.
Albanian: Hasan Efendi Nahi · Quranic Universal Library (qul.tarteel.ai), Albanian: Hasan Efendi Nahi