← Quran

Al-'Alaq العلق

19 verses · makkah

96:1
ٱقۡرَأۡ بِٱسۡمِ رَبِّكَ ٱلَّذِي خَلَقَ

Ké (al-Ƙur’ān) pẹ̀lú orúkọ Olúwa rẹ, Ẹni tí Ó dá ẹ̀dá.

96:2
خَلَقَ ٱلۡإِنسَٰنَ مِنۡ عَلَقٍ

Ó ṣẹ̀dá ènìyàn láti ara ẹ̀jẹ̀ dídì.

96:3
ٱقۡرَأۡ وَرَبُّكَ ٱلۡأَكۡرَمُ

Ké e. Olúwa rẹ ni Alápọ̀n-ọ́nlé jùlọ.

96:4
ٱلَّذِي عَلَّمَ بِٱلۡقَلَمِ

Ẹni tí Ó fi ìmọ̀ nípa gègé ìkọ̀wé mọ ènìyàn.

96:5
عَلَّمَ ٱلۡإِنسَٰنَ مَا لَمۡ يَعۡلَمۡ

Ó fi ìmọ̀ tí ènìyàn kò mọ̀ mọ̀ ọ́n.

96:6
كـَلَّآ إِنَّ ٱلۡإِنسَٰنَ لَيَطۡغَىٰٓ

Ní ti òdodo, dájúdájú ènìyàn kúkú ń tayọ ẹnu-ààlà

96:7
أَن رَّءَاهُ ٱسۡتَغۡنَىٰٓ

nítorí pé ó rí ara rẹ̀ ní ọlọ́rọ̀.

96:8
إِنَّ إِلَىٰ رَبِّكَ ٱلرُّجۡعَىٰٓ

Dájúdájú ọ̀dọ̀ Olúwa rẹ ni àbọ̀ ẹ̀dá.

96:9
أَرَءَيۡتَ ٱلَّذِي يَنۡهَىٰ

Sọ fún mi nípa ẹni tó ń kọ̀

96:10
عَبۡدًا إِذَا صَلَّىٰٓ

fún ẹrúsìn kan nígbà tí (ẹrúsìn náà) kírun!

96:11
أَرَءَيۡتَ إِن كَانَ عَلَى ٱلۡهُدَىٰٓ

Sọ fún mi (nípa ẹ̀san rẹ̀) tí ó bá jẹ́ pé ó wà lórí ìmọ̀nà (’Islām)

96:12
أَوۡ أَمَرَ بِٱلتَّقۡوَىٰٓ

tàbí pé ó pàṣẹ ìbẹ̀rù (Allāhu)!

96:13
أَرَءَيۡتَ إِن كَذَّبَ وَتَوَلَّىٰٓ

Sọ fún mi (nípa ìyà rẹ̀) tí ó bá jẹ́ pé ó pe òdodo ní irọ́, tí ó sì kẹ̀yìn sí i?

96:14
أَلَمۡ يَعۡلَم بِأَنَّ ٱللَّهَ يَرَىٰ

Ṣé kò mọ̀ pé dájúdájú Allāhu ń rí (òun ni?)

96:15
كـَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Rárá (ọ̀rọ̀ kò rí bí ọ̀tá Allāhu ṣe rò ó sí.) Dájúdájú tí kò bá jáwọ́ (níbi dídí Ànábì - kí ìkẹ́ àti ọlà Allāhu máa bá a - lọ́wọ́), dájúdájú A máa fi àásó orí² rẹ̀ wọ́ ọ (sínú Iná);

96:16
نَاصِيَةٖ كَٰذِبَةٍ خَاطِئَةٖ

àásó orí òpùrọ́, ẹlẹ́ṣẹ̀.

96:17
فَلۡيَدۡعُ نَادِيَهُۥ

Nítorí náà, kí ó pe àwọn olùbájókòó rẹ̀.

96:18
سَنَدۡعُ ٱلزَّبَانِيَةَ

Àwa máa pe àwọn mọlāika ẹ̀ṣọ́ Iná.

96:19
كـَلَّا لَا تُطِعۡهُ وَٱسۡجُدۡۤ وَٱقۡتَرِب۩

Rárá (ọ̀rọ̀ kò rí bí ó ṣe ń sọ nípa Wa). Má ṣe tẹ̀lé tirẹ̀. Forí kanlẹ̀ (kí o kírun), kí o sì súnmọ́ (Allāhu).

Yoruba · Quranic Universal Library (qul.tarteel.ai), Yoruba

Tafsir and word by word in the app