Al-Layl الليل
21 verses · makkah
نام : پہلے ہی لفظ وَالَّیْل کو اس سُورہ کا نام قرار دیا گیا ہے۔ زمانۂ نزول : اس کا مضمون سورۂ شمس سے اِس قدر مشابہ ہے کہ یہ دونوں سورتیں ایک دوسرے کی تفسیر محسوس ہوتی ہیں ۔ ایک ہی بات ہے جسے سورۂ شمس میں ایک طریقہ سے سمجھایا گیا ہے اور اِس سورہ میں دوسرے طریقے سے ۔ اِس سے انداز
قسم ہے رات کی جب وہ ڈھانپ لیتی ہے۔
q اور قسم ہے دن کی جب وہ روشن ہوجاتا ہے۔
اور (قسم ہے) اس کی جو اس نے پیدا کیے نر اور مادہ۔
بیشک تمہاری کوشش الگ الگ ہے۔
تو جس نے عطا کیا اور تقویٰ اختیار کیا۔
اور اس نے تصدیق کی اچھی بات کی۔
تو اس کو ہم رفتہ رفتہ آسان منزل (جنت) تک پہنچادیں گے۔
اور جس نے بخل کیا اور بےپروائی اختیار کی۔
اور جھٹلا دیا اچھی بات کو۔
تو اس کو ہم رفتہ رفتہ مشکل منزل (جہنم) تک پہنچا دیں گے۔
اور اس کا مال اس کے کچھ کام نہیں آئے گا جب وہ (جہنم کے) گڑھے میں گرے گا۔
(دیکھو انسانو !) یقینا ہمارے ذمے ہے ہدایت پہنچا دینا۔
اور ہمارے ہی لیے ہے اختیار آخرت کا بھی اور دنیا کا بھی۔
دیکھو ! میں نے تمہیں خبردار کردیا ہے بھڑکتی ہوئی آگ سے۔
نہیں پڑے گا اس میں مگر وہ جو انتہائی بدبخت ہے۔
جس نے جھٹلایا اور منہ پھیرلیا۔
اور بچالیا جائے گا اس سے جو انتہائی متقی ہے۔
جو اپنا مال دیتا ہے اپنے (نفس) کو پاک کرنے کے لیے۔
اور اس کے ذمے کسی کا احسان نہیں جس کا وہ بدلہ چکا رہا ہو۔
بلکہ (وہ تو خرچ کر رہا ہے) صرف اپنے بلندو برتر پروردگار کی رضاجوئی کے لیے۔
اور وہ عنقریب راضی ہوجائے گا۔
Urdu: Bayan ul Quran · Dr. Israr Ahmad