← Quran

Al-Inshiqaq الإنشقاق

25 verses · makkah

பெயர்: இந்த அத்தியாயத்தின் ஓரிடத்தில் ஆலு இம்ரான் -- அதாவது இம்ரானின் வழித்தோன்றல்கள் பற்றிக் கூறப்பட்டுள்ளது. எனவே அந்தச் சொல்லே ஓர் அடையாளமாக இந்த அத்தியாயத்தின் பெயராக்கப்பட்டு விட்டது. அருளப்பட்ட காலமும் கருத்துக் கூறுகளும்: இதில் நான்கு உரைகள் இடம் பெற்றுள்ளன. முதல் உரை, வசன

84:1
إِذَا ٱلسَّمَآءُ ٱنشَقَّتۡ

(உலகம் அழியும் சமயத்தில்) வானம் பிளந்து விடும்போது,

84:2
وَأَذِنَتۡ لِرَبِّهَا وَحُقَّتۡ

அது தன் இறைவனின் கட்டளைக்கு செவிசாய்த்துவிடும் போது. (அவ்வாறே) அதற்கு விதிக்கப்பட்டுள்ளது.

84:3
وَإِذَا ٱلۡأَرۡضُ مُدَّتۡ

மேலும், பூமி விரிக்கப்படும்போது,

84:4
وَأَلۡقَتۡ مَا فِيهَا وَتَخَلَّتۡ

மேலும், அது தன்னிடம் உள்ளவற்றையெல்லாம் எறிந்து வெறுமனே ஆகிவிடும்போது,

84:5
وَأَذِنَتۡ لِرَبِّهَا وَحُقَّتۡ

மேலும், அது தன் இறைவனின் கட்டளைக்கு செவிசாய்த்து விடும் (போது மனிதன் தன் செயலுக்குரிய கூலியைப் பெறுவான்). (அவ்வாறே) அதற்கு விதிக்கப்பட்டுள்ளது.

84:6
يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

மனிதனே! நீ உன் இறைவனிடம் செல்லும் வரை (நன்மையோ தீமையோ பல வேலைகளில் ஈடுபட்டு) சிரமத்துடன் முயற்சி செய்துகொண்டே இருக்கிறாய். (பின்னர், மறுமையில்) அவனை நீ சந்திக்கிறாய்.

84:7
فَأَمَّا مَنۡ أُوتِيَ كِتَٰبَهُۥ بِيَمِينِهِۦ

ஆகவே, (அந்நாளில்) எவருடைய வலது கையில் அவருடைய செயலேடு கொடுக்கப்படுகிறதோ,

84:8
فَسَوۡفَ يُحَاسَبُ حِسَابٗا يَسِيرٗا

அவர் மிக்க இலகுவாகக் கேள்வி கணக்குக் கேட்கப்படுவார்.

84:9
وَيَنقَلِبُ إِلَىٰٓ أَهۡلِهِۦ مَسۡرُورٗا

அவர் மகிழ்ச்சியடைந்தவராக(ச் சொர்க்கத்திலுள்ள) தன் குடும்பத்தார்களிடம் திரும்புவார்.

84:10
وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

எவனுடைய செயலேடு அவனுடைய முதுகுப்புறம் கொடுக்கப்பட்டதோ,

84:11
فَسَوۡفَ يَدۡعُواْ ثُبُورٗا

அவன், (தனக்குக்) கேடுதான் என்று (அப்படியே) சப்தமிடுவான்,

84:12
وَيَصۡلَىٰ سَعِيرًا

நரகத்தில் நுழைவான்.

84:13
إِنَّهُۥ كَانَ فِيٓ أَهۡلِهِۦ مَسۡرُورًا

ஏனென்றால், நிச்சயமாக அவன் (இம்மையிலிருந்த காலமெல்லாம் மறுமையை மறந்து) தன் குடும்பத்தார்களுடன் மிக்க மகிழ்ச்சியாக இருந்தான்.

84:14
إِنَّهُۥ ظَنَّ أَن لَّن يَحُورَ

மெய்யாகவே அவன் (தன் இறைவனிடம்) மீளவே மாட்டோம் என்றும் எண்ணிக் கொண்டிருந்தான்.

84:15
بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

அது சரியன்று! நிச்சயமாக அவனுடைய இறைவன் அவனை உற்று நோக்குபவனாகவே இருந்தான்.

84:16
فَلَآ أُقۡسِمُ بِٱلشَّفَقِ

(மாலை நேர) செம்மேகத்தின் மீது சத்தியமாக!

84:17
وَٱلَّيۡلِ وَمَا وَسَقَ

இரவின் மீதும், அது மறைத்துக் கொண்டிருப்பவற்றின் மீதும் (சத்தியமாக!)

84:18
وَٱلۡقَمَرِ إِذَا ٱتَّسَقَ

பூரணச் சந்திரன் மீது சத்தியமாக!

84:19
لَتَرۡكَبُنَّ طَبَقًا عَن طَبَقٖ

(ஒரு நிலைமையிலிருந்து மற்றொரு நிலைமைக்கு) நிச்சயமாக நீங்கள் படிப்படியாகக் கடக்க வேண்டியதிருக்கிறது.

84:20
فَمَا لَهُمۡ لَا يُؤۡمِنُونَ

ஆகவே, (இதை மறுத்துக் கொண்டிருக்கும்) அவர்களுக்கு என்ன நேர்ந்தது? அவர்கள் இதை நம்பிக்கை கொள்வதில்லை.

84:21
وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ ۩

அவர்களுக்கு இந்த குர்ஆன் ஓதிக் காண்பிக்கப்பட்ட போதிலும், (இறைவனை) அவர்கள் சிரம் பணிந்து வணங்குவது இல்லை.

84:22
بَلِ ٱلَّذِينَ كَفَرُواْ يُكَذِّبُونَ

அது மட்டுமா? இந்நிராகரிப்பவர்கள் (இந்த குர்ஆனையே) பொய்யாக்குகின்றனர்.

84:23
وَٱللَّهُ أَعۡلَمُ بِمَا يُوعُونَ

எனினும், இவர்கள் (தங்கள் மனதில்) சேகரித்து (மறைத்து) வைத்திருப்பவற்றை அல்லாஹ் நன்கறிந்தே இருக்கிறான்.

84:24
فَبَشِّرۡهُم بِعَذَابٍ أَلِيمٍ

ஆகவே, (நபியே!) துன்புறுத்தும் வேதனையைக் கொண்டு அவர்களுக்கு நீர் நற்செய்தி கூறுவீராக.

84:25
إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

எனினும், இவர்களில் எவர்கள் (தங்கள் பாவத்திலிருந்து திருந்தி) நம்பிக்கை கொண்டு நற்செயல்கள் செய்கிறார்களோ அவர்களுக்கு (என்றென்றுமே) முடிவுறாத (நற்)கூலியுண்டு.

Tamil: Abdul Hameed Baqavi · Quranic Universal Library (qul.tarteel.ai), Tamil: Abdul Hameed Baqavi

Tafsir and word by word in the app